இவனுக்கு மட்டும் கேட்கவில்லை

வெளிநாட்டு பணம் வந்து
இளையோரின் கரம் விழுந்து
வீதியில் சிதறி விழ
ஏறியது விலைவாசீ
அதனால் ஏழை பரம ஏழையானான்

அறையெல்லாம் குளிர் காற்று
தரையெல்லாம் பளிங்கு கற்கள்
சுவரெல்லாம் காட்சி பொருட்கள்
தரையிறங்கினால் நகரக் கூட படகுக்கார்
செல்வர் வெளியே சென்றார்
இருக்கும் பணத்தில் இன்னமும் நிலம் வாங்க
புதிய புறாக்கூண்டு வீடுகள் கட்ட

பரம ஏழைக்கு ஒண்ட இடமில்லை
வாடகைக்கு வீடு என்றால்
வீட்டுகாரர் பல்லாயிரம் ஓர் மாதம் என்றார்
வாடகை கொடுத்து விட்டு
உணவை குறைத்து , உடையை தைத்து
பிள்ளையின் வயிறு நிறைத்து
தன் வயிற்றை காயவைத்து
பரம ஏழை நோயாளியானான்

"வாழ்க ஜனநாயகம்
வாழ்க சுதந்திரம்
வாழ்க தமிழர் கலாச்சாரம்"

என உரக்க பேசும் தமிழ்ப் பேச்சு
இவனுக்கு மட்டும் கேட்கவில்லை